მასწავლებელთა პროფესიული განვითარების ეროვნული ცენტრი, საგანმანათლებლო ტექნოლოგიების კონფერენციაზე მომხსენებელთა რეგისტრაციას 4 ოქტომბერს დაიწყებს. კონფერენცია თბილისში დეკემბრის თვეში გაიმართება.

საგანმანათლებლო ტექნოლოგიების კონფერენციაზე მომხსენებლად გამოსვლის მსურველებს გთხოვთ, რეგისტრაცია გაიაროთ საიტზე: http://getc.ge/ge/register   4 ოქტომბრიდან- 22 ოქტომბრის ჩათვლით. რეგისტრაციის დროს უნდა ატვირთოთ თქვენი მოხსენების შინაარსი შაბლონის შესაბამისად. (რეგისტრაციის დროს ველში სესიის ფორმატი შეარჩიეთ რა ფორმატის მოხსენებას წარმოადგენთ: პოსტერ პრეზენტაციას, ლექციას თუ სხვა).

საქართველოს საგანმანათლებლო ტექნოლოგიების კონფერენციის ფარგლებში ვეძებთ პრეზენტაციებს, რომლებიც:

• წარმოაჩენს მოსწავლეზე ორიენტირებული სწავლების მნიშვნელობას;
• გაზრდის მონაწილეების ცოდნას ტექნოლოგიებსა და შესაბამის სასწავლო მეთოდოლოგიასთან დაკავშირებულ საკითხებზე;
• ხელს შეუწყობს მასწავლებლებსა და სკოლის ადმინისტრაციაში საგანმანათლებლო ლიდერის უნარების განვითარებას;
• მონაწილეებს გააცნობს საუკეთესო პრაქტიკის მაგალითებს ციფრული ეპოქის შესაბამისი სწავლების დანერგვისთვის;
• პრაქტიკული მაგალითების საფუძველზე წარმოაჩენს თუ როგორ შეიძლება ისტ-ისა და საგნობრივი სტანდარტების მიღწევა სასწავლო პროცესში ტექნოლოგიების დახმარებით;
• კონფერენციის მონაწილეებს საგანმანათლებლო სფეროში ტექნოლოგიების ინტეგრირების უზრუნველსაყოფად სხვადასხვა ინსტრუმენტებს გააცნობს.
• თემის მიზნობრიობა საგანმანათლებლო ტექნოლოგიების ჭრილში
• თემის საგანმანათლებლო მნიშვნელობა და შესაბამისობა კონფერენციის მიმართულებებთან
• ტექნოლოგიების გამოყენების მიზნობრიობა
• წარმოდგენილი იდეის/ინფორმაციის/მოდელის პრაქტიკაში დანერგვისა და გავრცელების შესაძლებლობა
• მომხსენებლის ცოდნა და გამოცდილება თემასთან მიმართებაში. 

   წარმოდგენილ მოხსენებებს შეფასების კომისია განიხილავს და შეარჩევს მათ შორის ისეთებს, რომლებიც ყველაზე მეტად პასუხობს შემდეგ კრიტერიუმებს:  

• თემის მიზნობრიობა საგანმანათლებლო ტექნოლოგიების ჭრილში
• თემის საგანმანათლებლო მნიშვნელობა და შესაბამისობა კონფერენციის მიმართულებებთან
• ტექნოლოგიების გამოყენების მიზნობრიობა
• წარმოდგენილი იდეის/ინფორმაციის/მოდელის პრაქტიკაში დანერგვისა და გავრცელების შესაძლებლობა
• მომხსენებლის ცოდნა და გამოცდილება თემასთან მიმართებაში. 

იხილეთ დამატებითი ინფორმაცია მომხსენებლებისთვის -http://getc.ge/ge/momxseneblebistvis